Chompoo រៀបការ មិនទាន់ដឹងអីផង មកដល់ប្រទេសបារាំង តែម្នាក់ឯង

បារាំង៖ តារាស្រីដ៏ល្បីឈ្មោះ ប្រចាំប្រទេសថៃ ដែលទើបនឹងរៀបការហើយថ្មីៗ អ្នកនាង អារ៉ាយ៉ា ចំភូ (Araya Chompoo) ហាក់ដូចជា មិនមានពេលវេលា សំរាប់ចំណាយ ទៅលើឱកាសក្រេបទឹកឃ្មុំឡើយ ព្រោះតែនាង ត្រូវជាប់រវល់ បង្ហាញវត្តមាននៅក្នុងរាត្រី នៃកម្មវិធីកម្រាលព្រំក្រហម ដ៏ធំមួយ នៅក្នុងទីក្រុង Cannes ប្រទេសបារាំង។

បើតាមប្រភពព័ត៌មាន ឲ្យដឹងមកថា អ្នកនាង អារ៉ាយ៉ា ជាតារាថៃ តែម្នាក់គត់ ដែលត្រូវបាន ចាត់ឲ្យទៅចូលរួម នៅក្នុងកម្មវិធីដ៏ធំបំផុតមួយនេះ។ គួរបញ្ជាក់ដែរថា Cannes Film Festival ជាកម្មវិធីមហោស្រព ភាពយន្តអន្តរជាតិ ធំបំផុតមួយ នៅលើពិភពលោក។

តាមរយ:រូបថត ជាច្រើនសន្លឹក បានបង្ហាញអំពីសម្រស់ និងឈុតរ៉ូប ដ៏ស្រស់ស្អាតរបស់នាង ខណ:កំពុងតែដើរ និងឈរថត យ៉ាងហមហាន ជាមួយនឹងតារាជាច្រើនរូបទៀត ដែលបានចូលរួម ក្នុងកម្មវិធីនេះ ក្រោមក្រសែភ្នែក និងម៉ាស៊ីនថត រាប់រយគ្រឿង កំពុងតែបាញ់សំដៅ ទៅរករូបនាង។

ចង់ដឹងថា មួយឈុត ដែលនាង អារ៉ាយ៉ា ស្លៀកចូលរួមក្នុងកម្មវិធីពិភពលោក ដ៏ធំនេះ ស្អាតកំរិតណាដែរ តោះទស្សនារូបភាពខាងក្រោម ជាមួយខ្មែរឡូត ទាំងអស់គ្នា៖

ប្រភព៖ Coconut

ដោយ សី

ខ្មែរឡូត

Read More

សមត្ថកិច្ច​ ឆែកឃើញ ទំនិញ​គេចពន្ឋ រាប់សិបការ៉ុង​ បង្កប់ក្នុង​រថយន្ត បង្កគ្រោះថ្នាក់​ នៅស្វាយរៀង (មានវីដេអូ)

ខេត្តស្វាយរៀង ៖ សមត្ថកិច្ចចម្រុះបានឆែកឆេរ រកឃើញទំនិញគេចពន្ឋរាប់ សិបការ៉ុងបង្កប់នៅក្នុងរថយន្ត ក្រុងវៀតណាម ដែលបង្កគ្រោះថ្នាក់ចរាចរណ៍បណ្តាល ឲ្យមនុស្សស្លាប់និងរបួស៤០នាក់ ។

បើតាមអ្នកឆ្លើយឆ្លងព័ត៌មានកោះសន្តិភាព បានបញ្ជាក់ឲ្យដឹងទៀតថា ទំនិញគេចពន្ឋដែលឆែកឆេរ នៅរសៀលថ្ងៃទី២០ ឧសភា ២០១៥នេះ ភាគច្រើនជាខោអាវ ។

ផ្តល់សិទ្ធដោយ កោះសន្តិភាព

Read More

ប្រទេសទាំង១០​ ដែលមាន ចំនួនប្រជាជន ច្រើនជាងគេបំផុត

បរទេស៖ ខ្មែរឡូត ធ្លាប់បានធ្វើការចុះផ្សាយ ឲ្យប្រិយមិត្តបានជ្រាប រួចមកហើយ អំពីទីក្រុងទាំង២០ ដែលមានចំនួន ប្រជាជន ច្រើនជាងគេ ក្នុងពិភពលោក យើងនេះ ដែលចំណាត់ថ្នាក់លេខ ១ បានទៅលើទីក្រុង តូក្យូ របស់ប្រទេសជប៉ុន ដែលមានចំនួន ប្រជាជនរហូតដល់ទៅ ៣៤លាននាក់ ឯណោះ។

នៅក្នុងថ្ងៃនេះដែរ ប្រិយមិត្តនឹងបានស្គាល់ ពីប្រទេសទាំង១០ ដែលមានចំនួន ប្រជាជនច្រើនជាងគេ លើពិភលោក វិញម្តង។ ចង់ដឹងថា តើប្រទេសណាខ្លះ ដែលមានចំនួន ប្រជាជន ច្រើនជាងគេនោះ សូមតាមដានទាំងអស់គ្នា៖

១. ចិន ១.៣ពាន់លាននាក់ (១,៣៥៩,១០០,០០០ នាក់) ស្មើនឹង ១៩.១% នៃចំនួនប្រជាជន សរុបលើពិភពលោក

២. ឥណ្ឌា ១.២ពាន់លាននាក់ (១,២៣១,៩៩០,០០០ នាក់) ស្មើនឹង ១៧.៣% នៃចំនួនប្រជាជន សរុបលើពិភពលោក

៣. អាមេរិក ៣១៦,៣៦៤,០០០ នាក់ ស្មើនឹង ៤.៤៥% នៃចំនួនប្រជាជន សរុបលើពិភពលោក

៤. ឥណ្ឌូនេស៊ី ២៣៧,៦៤១,០០០ នាក់ ស្មើនឹង ៣.៣៥% នៃចំនួនប្រជាជន សរុបលើពិភពលោក

៥. ប្រេស៊ីល ១៩៣,៩៤៦,០០០ នាក់ ស្មើនឹង ២.៧៣% នៃចំនួនប្រជាជន សរុបលើពិភពលោក

៦, ប៉ាគីស្ថាន ១៨៣,៨៣០,០០០ នាក់ ស្មើនឹង ២.៥៩% នៃចំនួនប្រជាជន សរុបលើពិភពលោក

៧. នីហ្សេរីយ៉ា ១៧៣,៦១៥,០០០ នាក់ ស្មើនឹង ២.៤៤% នៃចំនួនប្រជាជន សរុបលើពិភពលោក

៨. បង់ក្លាដែស ១៥២,៥១៨,០១៥ នាក់ ស្មើនឹង ២.១៥% នៃចំនួនប្រជាជន សរុបលើពិភពលោក

៩. រុស្ស៊ី ១៤៣,៤០០,០០០ នាក់ ស្មើនឹង ២.០២% នៃចំនួនប្រជាជន សរុបលើពិភពលោក

១០. ជប៉ុន ១២៧,៣៥០,០០០ នាក់ ស្មើនឹង ១.៧៩% នៃចំនួនប្រជាជន សរុបលើពិភពលោក

ប្រភព 10mosttoday

ដោយ លូហាន

ខ្មែរឡូត

Read More

ចាប់ខ្លួនដៃ​ ស្តំាឧកញ៉ាម្នាក់ ​នៅកំពង់ចាម​ ពីបទគំរាម បាញ់​សម្លាប់ និងឆបោក

ខេត្តកំពង់ចាម-ត្បូងឃ្មុំ ៖ ជនជាប់ចោទម្នាក់ដែលរត់គេច ខ្លួនអស់រយៈពេល ជាច្រើនខែមកនោះ បានត្រូវសមត្ថកិច្ចចម្រុះ ចូលរួមដោយលោក រៀល សុភិន ព្រះរាជអាជ្ញារងអម សាលាដំបូងខេត្ត ចាប់ខ្លួនបានហើយនៅ វេលាម៉ោង១២ថ្ងៃត្រង់ថ្ងៃទី២០ ឧសភា ២០១៥ នៅក្នុងភូមិត្រើង ឃុំមៀន ស្រុកព្រៃឈរ ។

ជនជាប់ចោទដែល ចាប់ខ្លួនតាមដីកាពីបទយកកំាភ្លើង គំរាមបាញ់សម្លាប់ស្រ្តីខារ៉ាអូខេ និង ឆបោកនេះ ឈ្មោះ ជឿន ហេង ភេទប្រុស អាយុ ៣០ឆ្នាំ ។ បើតាមអ្នកឆ្លើយឆ្លងព័ត៌មាន កោះសន្តិភាពបានបញ្ជាក់ឲ្យ ដឹងនៅប៉ុន្មាននាទីមុននេះទៀតថា នៅម៉ោងជិត៥ល្ងាច ថ្ងៃពុធដដែល សមត្ថកិច្ចបានចុះទៅឆែកឆេរ ផ្ទះពីរកន្លែងទៀតនៅក្នុងភូមិត្រើង ឃុំមៀន ស្រុកព្រៃឈរ ខេត្តកំពង់ចាម និង នៅភូមិត្រកួន ឃុំក្រឡា ស្រុកកំពង់សៀម ខេត្តត្បូងឃ្មុំ ។

ផ្តល់សិទ្ធដោយ កោះសន្តិភាព

Read More

១២​ ឈុត នៃវីដេអូ ទទួលទានអាហារ នឹងធ្វើឲ្យ អ្នកទស្សនា ហៀរទឹកមាត់ ដោយមិនដឹងខ្លួន (មានវីដេអូ)

កូរ៉េខាងត្បូង៖ ប្រសិនបើអ្នក កំពុងតមអាហារ រឺសម្រកទំងន់នោះ អ្នកប្រហែលជា មិនអាចទប់ទឹកមាត់ មិនឲ្យហូរបានទេ បន្ទាប់ពីទស្សនា វីដេអូ នៃការទទួលទានអាហារ ទាំង១២ឈុត ខាងក្រោមនេះ។

វីដេអូទាំងអស់នេះ នឹងបង្ហាញលោកអ្នកនូវ ការទទួលទានអាហារ របស់មនុស្ស១ក្រុម ដែលពួកគេ បានជ្រើសរើស ម្ហូបអាហារ ស្ទើរគ្រប់ប្រភេទ មកទទួលទាន មានដូចជា ម្ហូបបែបអ៊ឺរ៉ុប ម្ហូបហិរ គ្រឿងសមុទ្រ ស៊ូស៊ី ។ល។ ជាពិសេស ក៏មានបង្អែម ផងដែរ៕

តោះ! កុំឲ្យខាតពេល សូមទស្សនាវីដេអូខាងក្រោម ទាំងអស់គ្នា៖

១. ស្លាបមាន់... ឆ្ញាញ់

២. ភីហ្សា! ឈីសច្រើនណាស់!

៣. ហាងលក់ទំនិញ

៤. គ្រុំ! លៀសសមុទ្រ!

៥. ស៊ូស៊ី ឆ្ងាញ់មែនទែន!

៦. អ៊ីយ៉ាស់! ជើងមាន់

៧. គ្មានអ្វីដូចអាហារ ដែលម៉ាក់ខ្ញុំចំអិននោះទេ!

៨. ក្តាមដ៏មានឱជារស

៩. សាច់ផាក់ឡូវ

១០. Teppanyaki

១១. សាច់អាំង BBQ នៅលើដុំធ្យូង

១២. បង្អែម

ប្រភព allkpop

ដោយ លូហាន

ខ្មែរឡូត

Read More

ញាក់សាច់! ហាងលក់ស៊ុប បញ្ចុះ តម្លៃ ៩០ភាគរយ ដល់ភ្ញៀវ នារីៗណា ដែលសំពត់ខើចខ្លី

ចិន៖ “សំពត់កាន់តែខ្លី ការបញ្ចុះតំលៃ កាន់តែច្រើន” នេះគឺជាគោលការណ៍ ក្នុងហាងលក់ស៊ុប មួយកន្លែង នៅក្នុងទីក្រុង Jinan ដែលលើកទឹកចិត្ត ឲ្យភ្ញៀវដែលជានារី មានរូបសម្បត្តិស្រស់ស្អាត មកទទួលទានអាហារ ពេលល្ងាច នៅហាងរបស់គេ។

អតិថិជនដែលជានារីៗ ត្រូវបានគេឲ្យដឹងថា នឹងទទួលបាន ការបញ្ចុះតម្លៃ ៩០ភាគរយ បើសិនជាពួកគាត់ ស្លៀកសំពត់ខ្លី ដែលខើចលើជង្គង់ ៣៣ សង់ទីម៉ែត្រ ស្របពេលដែលអ្នក ស្លៀកសំពត់បែប មិនទាន់សម័យ ដែលខើចត្រឹម ៨ សង់ទីម៉ែត្រ លើជង្គង់ ទទួលបានការបញ្ចុះតម្លៃ ត្រឹមតែ២០ ភាគរយ ប៉ុណ្ណោះ។

យុទ្ធសាស្ត្រទីផ្សារ ដែលគេឲ្យឈ្មោះថា "Risqué" កំពុងតែមាន ប្រជាប្រិយភាពខ្លាំង នៅក្នុងប្រទេសចិន នាពេល បច្ចុប្បន្ននេះ។ គួរបញ្ជាក់ផងដែរថា Risqué គឺជាយុទ្ធសាស្រ្តមួយ ដោយប្រើប្រាស់ នូវភាពសិចស៊ី ក្នុងការទាក់ទាញភ្ញៀវ។

យ៉ាងណាមិញ បច្ចុប្បន្ននេះ នៅក្នុងប្រទេសចិន មានម្ចាស់ហាងជាច្រើន មានជំនឿថា ការដែលមាននារី ស្លៀកខើចខ្លី នៅកន្លែងរកស៊ី គឺជាវិធី តែមួយគត់ ដែលធ្វើឲ្យអាជីវកម្ម របស់ពួកគេ មានការរីកចំរើន។

ក្រុមនារីដែលជាស្រីស្អាតកំពុងតំរង់ជួរឲ្យគេវាស់សំពត់


ស្លៀកសំពត់ខ្លី ដែលខើចលើជង្គង់ ៣៣ សង់ទីម៉ែត្រ នឹងចុះថ្លៃ៩០ ភាគរយ


នារីស្លៀកសំពត់ ខើចត្រឹម ៨ សង់ទីម៉ែត្រលើជង្គង់ ទទួលការចុះថ្លៃ តែ២០ ភាគរយប៉ុណ្ណោះ

ប្រភព៖ បរទេស

ដោយ៖ រ័ត្ន

ខ្មែរឡូត

Read More

សកម្មភាព ទាំង ១៥ យ៉ាង ដែលអ្នកគួរធ្វើ​ ជាប្រចាំ ដើម្បីឲ្យជីវិត មានន័យ និង សុភមង្គល

ពិតណាស់ មនុស្សគ្រប់រូបសុទ្ធតែ ចង់រស់នៅមានក្ដីសុខ និង រីករាយ ។ ដើម្បីឲ្យជីវិតរបស់អ្នក ប្រកបដោយ ភាពរីករាយនោះ អ្នកត្រូវតែចេះរៀបចំនូវការរស់នៅ ប្រចាំថ្ងៃ របស់អ្នក ឲ្យបានល្អ ជាមុនសិន ជាមួយគ្នានេះ មានអត្ថបទមួយ ដែលរៀបរាប់ពី ចំនុចសំខាន់ ដែលយើងគួរតែ ធ្វើជាប្រចាំ ដើម្បីឲ្យជីវិតរស់នៅ ពោរពេញដោយសេចក្ដីសុខ ។ 

១. លំហាត់ប្រាណ ÷ ជាការពិត ការធ្វើលំហាត់ប្រាណជា មធ្យោបាយមួយដែលល្អបំផុតដែល ជួយឲ្យអ្នកមាន អារម្មណ៏រីករាយ ។ ការធ្វើលំហាត់ប្រាណជាប្រចាំ មិនមែនមានន័យថា អ្នកត្រូវទៅកន្លែង ហាត់ប្រាណរហូតនោះទេ អ្នកអាចហាត់នៅផ្ទះក៏បាន ។ អ្នកគួរតែភ្ញាក់ ពីគេង នៅពេលព្រលឹម ដើម្បីធ្វើ លំហាត់ប្រាណ ដែលជួយឲ្យអ្នក មានអារម្មណ៍ស្រស់ស្រាយ  ពេញមួយថ្ងៃ។

២. ការអរគុណ ÷ វាគឺ ជាពាក្យ គួរសម ដែលយើងគួរតែប្រើ នៅពេលដែល នរណាម្នាក់ បានជួយអ្នក ឬ ធ្វើការឲ្យអ្នក ដែលគួរតែនិយាយពាក្យ អរគុណទៅកាន់ពួកគេ ។ ជាពិសេស ការដឹងគុណ មានសារ:សំខាន់ណាស់ នៅក្នុងជីវិត រស់នៅប្រចាំថ្ងៃ ហើយការធ្វើដូច្នេះ នឹងធ្វើឲ្យអ្នកមានអ្នក ស្រលាញ់ និង ចូលចិត្តច្រើន ។

៣. សាកល្បងអ្វីដែលថ្មី ÷ វាមិនមែនមានន័យថា អ្នកត្រូវតែយកឈ្នះ ពិភពលោកនោះទេ ។ អ្នកគួរតែ សាកល្បងនូវរឿង ធម្មតាដែលអ្នកមិនធ្លាប់បានធ្វើពីមុនមក ដូចជា ការភ្លក់នូវម្ហូប ដែលមានរសជាតិថ្មី ឬ ការចំអិនអាហារ ជាដើម -ល-។

៤. ផ្លាស់ប្ដូរទម្លាប់អាក្រក់ ÷ ប្រាកដណាស់ មនុស្សម្នាក់ៗ តែងតែមាន ទម្លាប់របស់ខ្លួន ដែលជាទម្លាប់ល្អ និង អាក្រក់ ។ ដូច្នេះអ្នកគួរតែ ស្វែងរកនូវទម្លាប់ អាក្រក់របស់អ្នក ហើយកែប្រែវាចេញ នោះនឹងទទួលបាន នូវលទ្ធផលដ៏ល្អ បន្ទាប់ពីបានកែប្រែ ។

៥. ធ្វើរឿង ដែលអ្នកចូលចិត្ត ÷ ជាមួយគ្នានេះ អ្នកគួរតែធ្វើ នូវរឿងដែលអ្នកចូលចិត្ត ជារៀងរាល់ថ្ងៃ ពីព្រោះវា ធ្វើឲ្យអ្នកមានសេចក្ដីសុខ ជាមួយនឹងអ្វី ដែលអ្នកបានធ្វើ ។

៦. ការអភ័យទោស ÷ ប្រសិនបើមាននរណាម្នាក់ ធ្វើអ្វីខុសអ្នកគួរតែអត់អោន និង អភ័យទោសដល់គេ ពីព្រោះមនុស្សសុទ្ធតែធ្លាប់ខុស នៅពេលដែលអ្នកអត់ទោសឲ្យ នរណាម្នាក់បាន អ្នកក៏អាចទទួលយកនូវកំហុសរបស់ខ្លួនបានដែរ ធ្វើបែបនេះ នឹងជួយឲ្យអ្នករស់នៅបានជាមួយភាពស្ងប់ស្ងាត់ ។

៧. ញញឹម ÷ ស្នាមញញឹម គឺជាអាវុធដែលប្រឆាំងជាមួយនឹងបញ្ហាផ្សេងៗ ។ មិនថាស្ថានភាពបែបណា អ្នកគួរតែញញឹម ដើម្បីផ្ដល់កម្លាំងចិត្តដល់ខ្លួនឯង ដែលជួយឲ្យអ្នកក្លាយ ទៅជាមនុស្សក្លាហាន និង រឹងមាំ ។ ពីព្រោះការ កើតទុក្ខ មិនបានជួយបំបាត់ ទុក្ខសោក បាននោះទេ មានតែស្នាមញញឹមទេ ដែលអាចជួយឲ្យអ្នក បំភ្លេចនូវរឿង ដែលមិនសប្បាយចិត្តបាន ។

៨. យកចិត្តទុកដាក់ ចំពោះអ្នកនៅជុំវិញខ្លួន ÷ ការយកចិត្តទុកដាក់ គឺជារឿងមួយ ដែលអ្នកគួរតែទទួលបាន ពីអ្នកគ្រប់គ្នា ។ ប្រសិនបើអ្នក យកចិត្តទុកដាក់ ចំពោះអ្នកដ៏ទៃ គេនឹងយកចិត្ត ទុកដាក់ ចំពោះអ្នកវិញដូចគ្នា អ្នកគួរតែយក ចិត្តទុកដាក់ ស្ដាប់អ្នកដែលនូវជុំវិញខ្លួន បើទោះបីជាអ្នកមិនអាចធ្វើអ្វីបាន ប៉ុន្តែអ្នកបានស្ដាប់ ដោយការយកចិត្តទុកដាក់ ការធ្វើបែបនេះនឹងជួយឲ្យ អ្នករស់នៅដោយរីករាយ ។

៩. ធ្វើអ្វីមួយ សម្រាប់អ្នកដ៏ទៃ ÷ ការសរសើរ និង ឲ្យតម្លៃ លើអ្នកដ៏ទៃក៏អាច ជួយឲ្យពួកគេមាន អារម្មណ៍ល្អផងដែរ ថែមទាំង ធ្វើឲ្យអ្នក មានភាពសុខសាន្ត ។ ជាមួយគ្នានេះ  អ្នកនឹងមានអារម្មណ៍ ថាមាន មោទណ:ភាព នៅពេលដែលអ្នក អាចជួយនរណាម្នាក់ ឲ្យធ្វើការ សំរចបានជោគជ័យ ។

១០. បើកចិត្តឲ្យទូលាយ ÷ អ្នកមិនគួរ លាក់បាំង នូវគំនិត និង រឿងរ៉ាវ ដែលនៅក្នុងចិត្ត ម្នាក់ឯងនោះទេ ។ អ្នកត្រូវតែ រៀនបើកចិត្ត ដល់អ្នកដ៏ទៃ និង បង្ហាញឲ្យពួកគេ បានដឹង ពីសុភមង្គល ឬ ទុក្ខសោកដែល អ្នកជួបប្រទះ ។ ដូច្នេះហើយ ពេលខ្លះ អ្នកគួរតែអនុញ្ញាត ឲ្យពួកគេបានដឹង ដែលអាចជួយឲ្យ អ្នក មានអារម្មណ៍ ប្រសើរជាងមុន ។

១១. ថែរក្សាខ្លួនឯង ÷ ជារៀងរាល់ថ្ងៃ អ្នកត្រូវតែយកចិត្តទុកដាក់រក្សា និង ចិញ្ចឹមជីវិតខ្លួនឯង ហេតុនេះហើយ អ្នកគួរតែទទួលទានអាហារណា ដែលផ្ដល់ថាមពល និង មានប្រយោជន៍ ចំពោះសុខភាពអ្នក ។ លើសពីនេះ អ្នកក៏គួរតែ បង្កើតនូវឆន្ទ: ដើម្បីពង្រឹង នូវសមត្ថភាពរបស់ខ្លួន ។ 

១២. ការអាន ÷ នេះគឺ ជាទម្លាប់ដ៏ល្អមួយ ដែលជួយអ្នក បង្កើននូវចំនេះដឹង បានមួយកម្រិតទៀត ពីព្រោះ នៅពេលដែល អ្នកបានអានច្រើន អ្នកនឹងបានទទួល នូវចំនេះដឹង ច្រើនជាងមុន ។ មិនថាអាន សៀវភៅ ទស្សនាវដ្ដី កាសែត ឬ កម្រងអត្ថបទផ្សេងៗ សុទ្ធតែមានប្រយោជន៍ចំពោះអ្នក ។

១៣. ជឿជាក់លើខ្លួនឯង ÷ អ្នកគួរតែរៀន ជឿជាក់លើខ្លួនឯង នោះអ្នកនឹងទទួលបាន ជោគជ័យក្នុងជីវិត ។ ជាងនោះទៅទៀត អ្នកគួរតែ មានទំនុកចិត្តលើការងារ និង គំនិតរបស់អ្នក ហើយជឿថា អ្នកនឹងអាច ធ្វើវាបានប្រសើរ ។

១៤. ចាកចេញ ពីភាពឈឺចាប់ ÷ បើសិនជា អ្នកជួបប្រទះ នូវភាពឈឺចាប់ អ្នកត្រូវគិតថា មានមនុស្សច្រើន នាក់ណាស់ ដែលជួបប្រទះនូវការឈឺចាប់នេះ មិនមែនមានតែ អ្នកមួយនោះទេ ។ ដូច្នេះអ្នកត្រូវរៀន ចាកចេញពីភាព ទុក្ខសោកនេះ ហើយនៅទីបំផុត អ្នកក៏អាចចាកចេញ ពីភាពឈឺចាប់បាន ។ បើសិនជា អ្នកអាចធ្វើបែបនេះ បាននោះ ភាពឈឺចាប់ នឹងមិនអាចចូលមក ក្នុងជីវិតរបស់អ្នកបានទេ ។

១៥. កំណត់ត្រាប្រចាំថ្ងៃ ÷  រៀងរាល់មុនចូលគេង អ្នកគួរតែធ្វើកំណត់ត្រា សម្រាប់ថ្ងៃស្អែក ថាអ្នកត្រូវធ្វើអ្វីខ្លះ ឬ កត់ត្រា នូវអ្វីដែលអ្នកបានធ្វើរួចហើយ ក្នុងថ្ងៃនេះ។ ការធ្វើដូចនេះ នឹងធ្វើឲ្យ អ្នកអាចរកឃើញ នូវចំនុចខុសឆ្គង បន្ទាប់មក កែប្រែវា នៅពេលក្រោយ ។ 

ប្រភព ÷ បរទេស 

ដោយ ÷ ដាលីស

ខ្មែរឡូត

Read More

ពេជ្រ សីហា៖ ១១ ឆ្នាំ លើវិស័យ កីឡាប្រដាល់ ប្រែក្លាយខ្លួន ពីក្មេង ជនបទម្នាក់ ទៅជាកីឡាករ ល្បីឈ្មោះ

ភ្នំពេញ៖ នាពេលបច្ចុប្បន្ន វិស័យកីឡា នៅប្រទេសកម្ពុជា ហាក់មានការរីកចំរើន គួរឲ្យកត់សំគាល់ បើធៀបទៅនឹង ប៉ុន្មានឆ្នាំចុងក្រោយនេះ ក្នុងនោះ វិស័យប្រដាល់ក្បាច់គុន បុរាណខ្មែរ ដែលមានអាយុកាល រាប់ពាន់ឆ្នាំមកហើយ នៅតែពេញនិយម សំរាប់ប្រជាជនទូទៅ ជាពិសេស អ្នកដែលមានវ័យកណ្តាល និងមនុស្សចាស់។ ដូច្នេះដើម្បីចង់ដឹងពីជីវិត និងការតស៊ូ របស់កីឡាករ ប្រដាល់ក្បាច់គុន បុរាណខ្មែរ ក្រុមការងារ ខ្មែរឡូត បានធ្វើការទាក់ទង ធ្វើកិច្ចសម្ភាសន៍ ជាមួយកីឡាករប្រដាល់ ល្បីឈ្មោះមួយរូប របស់កម្ពុជា គឺកីឡាករ ពេជ្រ សីហា។ 

ពេជ្រ សីហា ក្នុងវ័យកុមារ ជាមួយបងប្រុស ពេជ្រ សុផាន់

ស្របពេលដែលយុវជន ជាច្រើន នៅតាមស្រុកស្រែចំការខ្លះ មករាជធានីភ្នំពេញ ដើម្បីរៀនសូត្របន្ត ខ្លះទៀតមកភ្នំពេញ ដើម្បីស្វែងរកការងារធ្វើ កីឡាករពេជ្រ សីហា ក្នុងវ័យ ១៥ឆ្នាំ ឯណេះវិញ បានមកភ្នំពេញ តាមបងប្រុសរបស់ខ្លួន ពេជ្រ សុផាន់ ដែលជាកីឡាករ ប្រដាល់ជើងខ្លាំង មួយរូប ដើម្បីហ្វឹកហាត់ ក្បាច់គុនបុរាណខ្មែរ ក្នុងគោលបំណង រួមចំណែក ថែរក្សាកេរ្តិ៍មរតក ក្បាច់គុន របស់ដូនតា និងចង់ក្លាយខ្លួន ជាកីឡាករ ប្រដាល់ ល្បីឈ្មោះម្នាក់។

ប្រវតិ្តរូបសង្ខេប៖

កីឡាករ ពេជ្រ សីហា កើតនៅថ្ងៃទី៥ ខែវិច្ឆិកា ឆ្នាំ១៩៨៩ បច្ចុប្បន្នមានអាយុ ២៦ឆ្នាំ មានស្រុកកំណើត នៅស្រុកព្រៃកប្បាស ខេត្តតាកែវ មានកំពស់ ១ ម៉ែត្រ និង ៧២សង់ទីម៉ែត្រ។

ការឈានជើងចូលវិស័យកីឡាប្រដាល់

សីហា កើតនៅក្នុងក្រុមគ្រួសារ ដែលមានឪពុកម្តាយ ជាអ្នកស្រែចំការ ដែលមិនមាន ឈាមជ័រ ជាអ្នកប្រដាល់នោះទេ គឺមានតែបងប្រុស គេតែម្នាក់គត់ ដែលចូលប្រឡូក ក្នុងវិស័យនេះ។ នៅឆ្នាំ ២០០៤ ពោលគឺក្នុងវ័យ១៥ ឆ្នាំ កុមារា ពេជ្រ សីហា បានបោះបង់ការសិក្សា ត្រឹមថ្នាក់ទី ៨ ដើម្បីធ្វើដំណើរ ជាមួយបងប្រុស ពេជ្រ សុផាន់ ដែលមានអាជីព ជាអ្នកប្រដាល់ មកកាន់រាជធានីភ្នំពេញ ដោយជ្រកក្រោមដំបូល ក្លឹបប្រដាល់ កងយុទ្ធពល ខេមរភូមិន្ទ ដែលជា ក្លឹបប្រដាល់ដំបូងបំផុត ក្នុងអាជីពរបស់ខ្លួន។ 

ការចាកចោល ស្រុកកំណើត ចោលល្បែងលេង ចោលការរៀនសូត្រ មិត្តភក្តិ និងក្រុមគ្រួសារ មករៀនរស់ ដោយខ្លួនឯងបែបនេះ បានធ្វើឲ្យ សីហា មានការលំបាក យ៉ាងខ្លាំង ដោយ ២-៣ ខែដំបូង គាត់តែងអង្គុយយំ តែម្នាក់ឯង ព្រោះនឹកស្រុកកំណើត។

ការក្លាយខ្លួនជាកីឡាករល្បីឈ្មោះ

នៅក្នុងក្លឹបប្រដាល់ ក្រសួងការពារជាតិ (អតីត ខ.ភ.ម) ពេជ្រ សីហា ព្រោះតែដើម្បី អនាគត និងការចង់ សំរេចបំណង របស់ខ្លួន ដើម្បីកសាង កេរ្តិ៍ឈ្មោះ រូបគេបានខិតខំ ហ្វឹកហាត់ រហូតមានឈ្មោះ បោះសំលេង និងត្រូវបានប្រិយមិត្ត អ្នកស្នេហា វិស័យប្រដាល់ ចាត់ទុករូបគេជា កីឡាករជើងខ្លាំង មួយរូបរបស់កម្ពុជា។

ក្នុងរយៈពេលជាង ១១ ឆ្នាំ ក្នុងអាជីពជាអ្នកប្រដាល់ កីឡាករ ពេជ្រ សីហា ធ្លាប់ប្រកួតជាលក្ខណៈជាតិ និងអន្តរជាតិបាន ៩៨ ដង ឈ្នះ ៧៦ ដង ចាញ់ ១៦ ដង និងស្មើ ៦ ដង។ នៅការប្រកួតថ្នាក់ជាតិ សីហា ធ្លាប់ឈ្នះជើងឯក ទូទាំងប្រទេស និងរងជើងឯក ជាច្រើនដង ផ្សេងទៀត រីឯការប្រកួត អន្តរជាតិវិញ រូបគេធ្លាប់យកឈ្នះ កីឡាករបរទេសជាច្រើន ថែមទាំងធ្លាប់ធ្វើដំណើរ ទៅប្រកួតនៅក្រៅប្រទេស ជាច្រើនដង ដូចជា ធ្លាប់តំណាងឲ្យកម្ពុជា ទៅប្រកួតប្រដាល់ដ៏ធំ THAI FIGHT នៅប្រទេសថៃ និងប្រកួតអន្តរជាតិ នៅឥណ្ឌូនេស៊ី ហើយបានឈ្នះខ្សែក្រវ៉ាត់ ប្រដាល់ ក្បាច់គុនបុរាណខ្មែរ ពីប្រទេសអូស្រ្តាលី ថែមទៀតផង។

ពេជ្រ សីហា ក្នុងការប្រកួតប្រដាល់ដ៏ធំ THAI FIGHT នៅប្រទេសថៃ

បើទោះជាមានបងប្រុស ជាអ្នកប្រដាល់ ក៏ពិតមែន តែ ពេជ្រ សីហា បានយក អធិរាជ ជង្គង់ទិព្វ កែងឆេះ អេ ភូថង គឺជានិមិត្តរូបរបស់ខ្លួន។ ក្រៅពីកីឡាប្រដាល់ សីហា ចូលចិត្តកីឡាបាល់ទាត់ ដោយរូបគេផ្ទាល់ គឺជាអ្នកគាំទ្រ ដ៏ផ្គាប់មុខម្នាក់ របស់ក្លឹប Manchester United នៃប្រទេសអង់គ្លេស។

ចំពោះជីវិតស្នេហាវិញ ពេជ្រ សីហា នៅមិនទាន់គិតគូរ នៅឡើយទេ ប៉ុន្តែកីឡាករជើងខ្លាំង រូបនេះ បានបង្ហើបឲ្យដឹងថា គេធ្លាប់មានសង្សារ ម្តង ពីរដង ដែរ តែក្រោយមក ក៏បែកគ្នាវិញ។ ក្រៅពីអាជីពជាកីឡាករ ប្រដាល់ ពេជ្រ សីហា មិនទាន់គិត ពីការប្រកបរបរ អ្វីផ្សេងទៀតនោះទេ ហើយគោលដៅ សំរាប់ពេលនេះ គឺរូបគេកំពុងត្រៀមខ្លួន ហ្វឹកហាត់ ដើម្បីប្រកួតប្រដាល់ ដណ្តើមជើងឯក ខារ៉ាបាវ ដែលមានទឹកប្រាក់ ចំនួន ៥០០០ ពាន់ដុល្លារអាមេរិក៕

កម្រងរូបភាពបង្ហាញពីការប្រកួត និងការឈ្នះជើងឯករបស់ កីឡាករ ពេជ្រ សីហា នាពេលកន្លងទៅ៖ 

ដោយ៖ រ័ត្ន & ទីន

ខ្មែរឡូត

Read More

មិននឹកស្មានថា​ ផ្លែខ្នុរ មានប្រយោជន៍ ចំពោះសុខភាព ច្រើនដល់ថ្នាក់ នេះសោះ!

ផ្លែខ្នុរ ជាផ្លែឈើមួយប្រភេទ ដែលមាន រសជាតិផ្អែម ជាប់ចិត្ត ហើយមនុស្សភាគច្រើន ក៏តែងតែ ចូលចិត្តទទួលទានវា ហើយមិនតែប៉ុណ្ណោះ វាក៏បាន ជួយទៅដល់សុខភាព ផងដែរ។

តើអ្នកដឹងទេថា ផ្លែខ្នុរ មានអត្ថប្រយោជន៍ អ្វីខ្លះ?

១) ធ្វើឲ្យសម្ពាធឈាមថេរ៖  តាមការសិក្សាជាច្រើន បានរកឃើញថា អាហារណាដែលសម្បូរ ជាតិប៉ូតាស្យូម អាចជួយកាត់បន្ថយ សម្ពាធឈាម ឡើងខ្ពស់។ ចំពោះខ្នុរ មានជាតិប៉ូតាស្យូម ចំនួន ៣០៣មីលីក្រាម ក្នុងខ្នុរ ចំនួន ១០០ក្រាម ដូច្នេះប្រសិនបើអ្នក ទទួលទានវាជាប្រចាំ នឹងជួយឲ្យ សម្ពាធឈាម ស្ថិតក្នុងស្ថានភាពថេរ ហើយក៏អាច ជួយឲ្យធូរស្រាល ចំពោះអ្នកដែលមានបញ្ហា សម្ពាធឈាមខ្ពស់ ផងដែរ។

២) ល្អចំពោះស្បែក៖ ខ្នុរសម្បូរទៅដោយ ជាតិវីតាមីន A និង C ដែលជួយឲ្យ ស្បែករបស់អ្នក ក្មេង ជាងវ័យ។ បន្ថែមពីនេះទៅទៀត វាក៏បានផ្ទុក នូវជាតិ សារធាតុប្រឆាំង នឹងអុកស៊ីតកម្ម ដែលជួយឲ្យ កោសិកា លូតលាស់ បានល្អប្រសើរ។ មិនតែប៉ុណ្ណោះ ខ្នុរ បានដើរតួនាទី យ៉ាងសំខាន់ ក្នុងការ ពង្រឹង ប្រព័ន្ធភាពស៊ាំ និងការពារ ការឆ្លងមេរោគស្បែក ផ្សេងៗផងដែរ។

៣) ល្អចំពោះបេះដូង និងឆ្អឹង៖ ខ្នុរ គឺជាប្រភព ដែលផ្តល់នូវ ជាតិវីតាមីន B6 ល្អបំផុត ដែលអាចកាត់បន្ថយ អត្រា homocysteine ( អាស៊ីតអាមីណូ ដែលគ្មានជាតិប្រូតេអ៊ីន) នៅក្នុងឈាម។ បន្ថែមពីនេះទៅទៀត វាមានប្រយោជន៍ ចំពោះសុខភាពឆ្អឹង ព្រោះសម្បូរទៅដោយ ជាតិម៉ាញ៉េស្យូម និងកាល់ស្យូម ដែលជួយពង្រឹងឆ្អឹងរបស់អ្នក ឲ្យកាន់តែរឹងមាំ។ មិនតែប៉ុណ្ណោះ ផ្លែខ្នុរនេះ អាចការពារ ការប្រឈមនឹងជម្ងឺ ខះទឹកសន្លាក់ និង ជម្ងឺពុកឆ្អឹង។

៤) ទប់ទល់នឹងជម្ងឺហឺត៖ ខ្នុរមានជាតិប៉ូតាស្យូម វីតាមីនB កាល់ស្យូម ជាតិដែក ស័ង្កសី និងសារធាតុ ផ្សេងៗ ទៀតជាច្រើន។ ចំពោះអ្នករងនូវ ជម្ងឺហឺត អាចស្ងោរ មើមខ្នុរ ហើយទាញយក អាហាររូបត្ថម្ភពីវា ដើម្បីជួួយទប់ទល់នឹង ជម្ងឺហឺត។ ក្នុងនោះដែរ មើមខ្នុរ ក៏អាចព្យាបាល នូវជម្ងឺរាគ ក្តៅខ្លួន និងបញ្ហាស្បែក ផងដែរ។

៥) ជួយប្រព័ន្ធរំលាយអាហារ៖ ផ្លែខ្នុរ មានវីតាមីន C ខ្ពស់ ដែលមិនត្រឹមតែជួយ លើប្រព័ន្ធភាពស៊ាំ ប៉ុណ្ណោះទេ ថែមទាំងជួយលើ ប្រព័ន្ធរំលាយ អាហារ ថែមទៀត។ ម្យ៉ាងវិញទៀត ពិសារផ្លែខ្នុរ ក៏អាចជួួយ ការពារ បញ្ហាទល់លាមក ផងដែរ។

ទាំងនេះ ជាអត្ថប្រយោជន៍ របស់ផ្លែខ្នុរ ចំពោះសុខភាព៕  

ប្រភព បរទេស

ដោយ៖ កា

ខ្មែរឡូត

Read More

ប្លែកៗ! នៅចិន សិស្សរាប់លាននាក់ ត្រូវធ្វើការ ហាត់ប្រាណភ្នែក ដើម្បីចៀស ផុតពីការ មីញ៉ូបភ្នែក

ចិន៖ កាលពីពេលថ្មីៗនេះ សិស្សានុសិស្សនៅ ក្នុងប្រទេសចិន រាប់លាននាក់ បាននាំគ្នា ធ្វើលំហាត់ប្រាណភ្នែក ដើម្បីអាចឲ្យ ពួកគេជៀសផុត ពីការមីញ៉ូបភ្នែក ដែលវិធីនេះ យើងមិនធ្លាប់បាន ដឹងនិងឃើញ ពីមុនមកឡើយ ជាហេតុធ្វើឲ្យមាន ការចាប់អារម្មណ៍ ពីសំណាក់មនុស្ស ជាច្រើនជុំវិញ ពិភពលោក។

យោងតាមប្រភព ព័ត៌មានរបស់ Wall Street បានឲ្យដឹងថា ការធ្វើលំហាត់ប្រាណ ត្រង់បរិវេណភ្នែក ត្រូវបានបង្កើតឡើង ដោយផ្អែកលើ គំនិតវេជ្ជសាស្ត្របុរាណ របស់ប្រទេសចិន ដែលត្រូវបាន គេជឿជាក់យ៉ាង ទូលំទូលាយថា ការធ្វើបែបនេះ នឹងអាចឲ្យមនុស្ស ជាពិសេសកុមារ ជៀសផុតពី ការមីញ៉ូបភ្នែក។

ដូច្នេះហើយ សិស្សសាលា រាប់លាននាក់ នៅក្នុងប្រទេសចិន ត្រូវអនុវត្ត វិធីនេះ ជារៀងរាល់ថ្ងៃ សិក្សារបស់ពួកគេ ដោយក្នុងនោះ នៅតាមថ្នាក់រៀន នីមួយៗត្រូវ មានសិស្សគំរូ ឬក៏ប្រធានថ្នាក់ ឡើងមកឈរ នៅក្តារខៀន ខាងមុខ ដើម្បីណែនាំ នូវវិធីហាត់ប្រាណ ភ្នែកដល់ សិស្សឯទៀត ក្នុងការធ្វើ វិធីមួយនេះ ឲ្យមានប្រសិទ្ធិភាព ទាំងអស់គ្នា។

ផ្អែកលើរបាយការណ៍ ស្រាវជ្រាវទៅលើ ការមីញ៉ូបភ្នែក កាលពីឆ្នាំ ២០១៣ ក្នុងទីក្រុង ប៉េកាំង បានបង្ហាញថា លំហាត់ប្រាណបែបនេះ ពិតជាអាច ជួយសម្រាល ទៅដល់ភាពតានតឹង ត្រង់ចក្ខុវិញ្ញាណ របស់មនុស្សពិតមែន ដូចជា ការឈឺក្បាល ឬក៏រោយភ្នែក ជាដើម ប៉ុន្តែក៏នៅ មិនទាន់មាន ការបញ្ជាក់ច្បាស់ ថាតើការ ធ្វើបែបនេះ ពិតជាអាច ជួយឲ្យមនុស្ស គេចផុតពី ការមីញ៉ូបភ្នែក បានឬយ៉ាងណា។

យ៉ាងណាមិញ សាស្ត្រាចារ្យ Jost Jonas សាស្ត្រាចារ្យ ជំនាញផ្នែកភ្នែក នៃសាកលវិទ្យាល័យ Heidelberg ក្នុងប្រទេស អាល្លឺម៉ង់ បាននិយាយថា “ប្រសិនបើ លំហាត់ប្រាណបែបនេះ ពិតជាទទួល បានផលមែននោះ អត្រានៃការ មីញ៉ូបភ្នែក របស់មនុស្ស នឹងមិនឡើង ខ្ពស់ទៀតនោះទេ ដូច្នេះហើយ ការអនុវត្តវិធី ហាត់ប្រាណត្រង់ បរិវេណភ្នែក បែបនេះគឺ ជាការល្អ”។

គួរបញ្ជាក់ផងដែរថា នៅដើមឆ្នាំនេះ អត្រាសិស្ស ក្នុងប្រទេសចិន ដែលមានការ មីញ៉ូបភ្នែក ឡើងទៅដល់ ៨០% ដូច្នេះហើយ ទើបមានការ ដាក់ឲ្យអនុវត្ត វិធីហាត់ប្រាណ ត្រង់ភ្នែកបែបនោះ ដើម្បីអាច ឲ្យសិស្សជៀសផុត ពីការមីញ៉ូបភ្នែក៕

សិស្សក្នុងប្រទេសចិន កំពុងធ្វើលំហាត់ប្រាណ ភ្នែក

ប្រភព៖ Shanghaiist

ដោយ៖ សុជាតិ

ខ្មែរឡូត

Read More

អាថ៌កំបាំង នៃសម្រស់ និង សុខភាព ដែលបានមកពី យ៉ាអួរ

ប្រិយមិត្តភាគច្រើនប្រាកដជា ចូលចិត្តទទួលទានយ៉ាអួរ (ទឹកដោះគោជូរ) ដោយសារតែវាមានរសជាតិឆ្ងាញ់នឹងជួយសម្រួលដល់ប្រព័ន្ធបញ្ចេញចោល ។ ទន្ទឹមនឹងនេះ យ៉ាអួរក៏បានផ្ដល់សារ:ប្រយោជន៍យ៉ាងច្រើនដល់សម្រស់ ដែលនឹងបកស្រាយនៅក្នុងអត្ថបទខាងក្រោមនេះ ÷

១ ជួយឲ្យធ្មេញស ÷ នៅក្នុងយ៉ាអួរ មានផ្ទុកនូវកាល់ស្យូម និង ផូស្វ័រដែលអាចជួយ ធ្វើឲ្យធ្មេញរបស់អ្នកស និង កម្ចាត់នូវសារធាតុ ពណ៌លឿង ដែលមាននៅលើធ្មេញ ។ វាក៏ជួយកាត់បន្ថយក្លិនមិនល្អ នៅក្នុងមាត់ ដោយអ្នកគ្រាន់តែយក វាមកដុសលើធ្មេញរបស់អ្នក ធ្វើបែបនេះឲ្យបានទៀងទាត់ អ្នកនឹងទទួលបានលទ្ធផលជាក់ជាមិនខាន ។

២ ប្រើសម្រាប់កម្ចាត់អង្គែ ÷ នេះជាវិធីដ៏ងាយស្រួលមួយ ដែលជួយកម្ចាត់អង្គែ បានយ៉ាងមានប្រសិទ្ធិភាពដោយយក យ៉ាអួរមកលាប នៅលើស្បែកក្បាល និង សក់ ហើយទុករយ:ពេល ២០នាទី រួចលាងសំអាតវាចេញ ។ វាធ្វើឲ្យសក់របស់អ្នកមានសភាព ទន់រលោង ហើយបំបាត់រមាស់ និង អង្គែដែលមាន លើស្បែកក្បាល ផងដែរ។ អ្នកអាចព្យាយាម ធ្វើវាឲ្យបាន ១ ទៅ ២ដង ក្នុងមួយសប្ដាហ៍។

៣ ប្រើសម្រាប់ខាត់ស្បែក ÷ អ្នកអាចយក យ៉ាអួរមកលាយជាមួយនឹង វ៉លណាត់ម៉ត់ សម្រាប់ធ្វើជា ស្ក្រាប់ខាត់ស្បែក ។ ជាមួយគ្នានេះ វ៉លណាត់នឹងធ្វើឲ្យរន្ធញើសបើក ដែលអាចស្រូបយកជីវជាតិទៅបំប៉ន ដល់ស្បែក ជាពិសេសនោះ វាធ្វើឲ្យស្បែកទន់ មានសំណើម និង ជួយកម្ចាត់ស្បែកក្រិន និង ងាប់ ។

៤ ប្រើវាសម្រាប់ ព្យាបាលការរលាកកម្ដៅថ្ងៃ ÷ តើអ្នកដឹងទេថា យ៉ាអួរ ក៏អាចជួយព្យាបាលស្បែករបស់អ្នក ដែលរងគ្រោះពីកម្ដៅថ្ងៃបាន?  ដើម្បីបង្កើនប្រសិទ្ធភាព ក្នុងការព្យាបាល អ្នកអាចបន្ថែម ប្រេង Chamomile ហើយយកវាមក លាបនៅលើបរិវេន ដែលរលាកពីកម្ដៅថ្ងៃ រយ:ពេល ២០នាទី រួចលាងសំអាត ជាការស្រេច។

៥ ប្រឆាំងភាពចាស់ ÷  វិធីងាយៗ ដែលជួយការពារ ស្បែកមុខរបស់អ្នក ឲ្យចៀសឆ្ងាយពីស្នាមជ្រីវជ្រួញ និង ភាពចាស់ ជាមួយ យ៉ាអួរ និង ត្រសក់ ។ ផ្លែត្រសក់ មានភាពត្រជាក់ និង ជួយបើករន្ធញើស ដែលធ្វើឲ្យយ៉ាអួរ អាចជ្រាបចូលបានយ៉ាងល្អ ទៅក្នុងស្បែកមុខ ។  វាគឺជាម៉ាសបិតមុខដ៏ល្អ ដែលអ្នកធ្វើខ្លួនឯង ជាពិសេសគួរតែអនុវត្តន៍វា យ៉ាងតិចឲ្យបាន ១ដងក្នុងមួយសប្ដាហ៍ ។

៦ ជួយកាត់បន្ថយស្នាមជាំ ÷ វាមានប្រសិទ្ធភាព សម្រាប់ជួយកាត់បន្ថយស្នាមជាំបានផងដែរ ដោយលាយយ៉ាអួរ ជាមួយនឹងម៉្សៅក្រាម និង ទឹកក្រូចឆ្មាបន្តិច ហើយយកវា មកម៉ាស្សានៅលើផ្ទៃមុខ ទុកវាឲ្យស្ងួត រយ:ពេល ២០នាទី បន្ទាប់មកលាងសំអាតចេញ ជាមួយនឹងទឹកធម្មតា។ ធ្វើបែបនេះឲ្យបានទៀងទាត់ ជួយឲ្យស្នាមជាំ អស់ទាំងនោះ រលុបបាត់បន្តិចម្ដងៗ។

៧ ជួយកម្ចាត់មុនក្បាលខ្មៅ ÷ លាយម៉្សៅអង្ករ ជាមួយនឹងយ៉ាអួរ ដើម្បីឲ្យខាប់ ហើយយកវាមក លាបនៅត្រង់កន្លែងដែលមាន មុនក្បាលខ្មៅ និង មុនខ្សាច់តូចៗ។ ជាងនេះ អ្នកអាចបន្ថែម ម៉្សៅរមៀត និង ឈើក្រអូបដើម្បីទទួលបាន នូវប្រយោជន៍កាន់តែច្រើន ។

ជាការពិតណាស់ ការលាបយ៉ាអួរ នៅលើស្បែកទៀងទាត់ នឹងជួយឲ្យកាត់បន្ថយស្នាមស្រអាប់ និង មុន។ វាគឺជាវីធីដ៏មានប្រសិទ្ធភាពមួយ ដែល ជួយដោះស្រាយ នូវបញ្ហាស្បែក និង សក់ មិនតែប៉ុណ្ណោះទេ យ៉ាអួរ ក៏បានបំពេញនូវតម្រូវការនៃរបបអាហារ និង អាហាររូបត្ថម្ភប្រចាំថ្ងៃផងដែរ។ វាបានផ្ដល់នូវសារ:ប្រយោជន៍ យ៉ាងច្រើនលើសលុប មិនថាសម្រស់ ឬ សុខភាព៕

ប្រភព Magwomen

ដោយ ដាលីស

ខ្មែរឡូត

Read More

តោះមករៀន របៀបធ្វើ «ប្រហិតឆឹង» ដោយខ្លួនឯង បន្តិចមើល ចំណេញពេល ចំណេញលុយ!

ហ្វេសប៊ុក៖ យុវវ័យលេងបណ្តាញហ្វេសប៊ុក ភាគច្រើន ពិតជាបានលឺ បានស្គាល់ និងបានឃើញ អំពីប្រធានបទ កំពុងតែក្តៅ ហ៊ុយៗ ដែលនរណាៗ ក៏ចង់សាក ចង់ភ្លក់រសជាតិ នៃចំណីសម្រន់ម្យ៉ាង ដែលត្រូវបានគេ ដាក់ឈ្មោះឲ្យថា «ប្រហិតឆឹង»។

ស្តាប់លឺឈ្មោះភ្លាម អាចនឹងចម្លែកអារម្មណ៍ ព្រោះយើងធ្លាប់តែលឺចេកឆឹង ដំបូងឆឹង ជាដើម ចុះប្រហិតឆឹងនឹងយ៉ាងម៉េចទៅវិញ បានជាមនុស្សម្នាជាច្រើន សំរុកទៅទិញយ៉ាងច្រើនអីចឹង ហើយរហូតដល់ មានអ្នកខ្លះ រអ៊ូរទាំថាត្រូវចាំយូរណាស់ ទំរាំតែបាន ខណ:អ្នកខ្លះ ក៏ហួសចិត្តនឹងតម្លៃ របស់ប្រហិតឆឹងហ្នឹង ថែមទៅទៀត ព្រោះបើតាមការលើកឡើងជាច្រើន នៅលើហ្វេសប៊ុក ឲ្យដឹងមកថា មួយកំប៉ុងតូច (ប្រមាណ១០គ្រាប់) តម្លៃ ៥,០០០រៀល ឯកំប៉ុងធំវិញ (ប្រមាណ២០គ្រាប់) តម្លៃ១០,០០០រៀល។

ក្រោយពីមើលឃើញ ការត្អូញត្អែរជាច្រើន របស់យុវវ័យខ្មែរ នៅលើហ្វេសប៊ុក យ៉ាងដូច្នេះហើយ ស្រាប់តែពេលថ្មីៗនេះ មានកញ្ញារូបស្រស់ម្នាក់ ជាអ្នកនិយមលេង ហ្វេសប៊ុកដែរនោះ បានបញ្ចេញថ្វីដៃ ឲ្យអ្នករាល់គ្នា បានល្ហែរល្ហើយក្នុងចិត្ត ត្បិតអ្នកមិនទាន់បាន ស្គាល់រសជាតិ របស់ប្រហិតឆឹងហ្នឹង អាចមករៀនវិធីធ្វើ ងាយៗ មានភ្ជាប់មកជាមួយនឹង រូបថតឲ្យមើលថែមទៀត ដែលនេះក៏ល្អម្យ៉ាងដែរ សំរាប់អ្នកមិនចង់ចំណាយពេលវេលា ចាំយូរ និងថវិកាអស់ច្រើន។ មិនដឹងថា រសជាតិ នៃវិធីសាស្ត្រចំអិន ប្រហិតឆឹងបែបនេះ ឆ្ងាញ់ឬយ៉ាងណាទេ តែបើយើងក្រឡេក ទៅមើលលើហ្វេសប៊ុក ហាក់មានការចុចចែករំលែក (Share) ច្រើន គួរឲ្យកត់សម្គាល់ផងដែរ។

ប្រហិតឆឹង

១. គ្រឿងផ្សំ ៖ ទឹកម្ទេះ ទឹកសៀង ស្ករត្នោត ម្ទេសស្រស់ ម្ទេសឆារ
២. ដាក់លាយចូលគ្នា ក្នុងចាន កូរចូលអោយសប់គ្រឿង
៣. ប្រហិតត្រូវយកទៅលាងទឹកអោយស្អាត ដាក់អំបិលបន្តិច ដើម្បីអោយស្អាតល្អ ហើយយកទៅស្រុះទឹកក្ដៅ 2នាទី ស្រង់ចេញមកទុកអោយស្ងួត
៤. ដាក់ខ្ទះអោយក្ដៅ ដាក់ខ្លាញ់ និងដាក់ខ្ទឹមសរខ្លះដើម្បីបន្ថយក្លិនឆ្អាបដែលចេញពីប្រហិត បន្ទាប់មកចាក់ប្រហិតចូលកូរអោយសប់បាន១នាទី ចាក់គ្រេឿងដែលផ្សំរួចចូលទៅ ហើយកូរអោយសប់ 2នាទី ជាការស្រេច។
ចំណេញពេល ចំណេញលុយ មានអនាម័យ! Homemade by Angel Ara

ត្រូវចិត្ត ត្រូវមាត់ ឬ ក៏អត់ ខ្មែរឡូត មិនហ៊ានធានាដែរ តែយ៉ាងណាមិញ បើសិនជាប្រិយមិត្តចង់ភ្លក់ មានតែសាកមើល ក្រែងល ឆ្ងាញ់ បើកហាងលក់ខ្លួនឯងផង ក៏មិនដឹង ព្រោះចំណីនេះ កំពុងត្រូវប៉ាន់ គួរសម។ តែយ៉ាងណាក៏ដោយ ខ្មែរឡូត សូមណែនាំ កុំឲ្យទទួលទាន ច្រើនពេក គ្រាន់តែល្មម ស្គាល់រសជាតិ និងបំពេញតំរូវការអាហារសម្រន់ ក្នុងបរិមាណ សមរម្យបានហើយ ព្រោះត្រូវប្រយ័ត្នប្រយែង ចំពោះសុខភាពរបស់យើងដែរ៕

រូបភាពនៃការបង្ហោះលើហ្វេសប៊ុក

ខាងក្រោមជារូបភាព បង្ហាញពីដំណាក់កាល នៃការចំអិន ដោយខ្លួនឯង៖

គួរបញ្ជាក់ដែរថា បើសិនជាយើងក្រឡេក ទៅមើលការលក់ប្រហិតឆឹងវិញ មានមនុស្សកាន់តែច្រើន បានទៅទិញភ្លក់ ស្របពេលដែល អតិថិជនខ្លះ បានសម្តែងការ ពេញចិត្តនឹងរសជាតិ របស់ប្រហិតឆឹង ខណ:ដែលមានខ្លះទៀត ក៏មិនពេញចិត្តទៅលើរសជាតិ ថាមិនសូវជាមានអ្វីពិសេសខ្លាំង ហើយក៏មានការ រិះគន់មួយចំនួនផងដែរ ទៅលើសេវាកម្ម របស់អ្នកលក់ប្រហិតឆឹងខ្លះ ថាមានភាពមិនសមរម្យ ជាពិសេសការប្រើប្រាស់ ពាក្យសំដីតែម្តង។ ទោះជាយ៉ាងណា នេះគ្រាន់តែជា ការលើកឡើង របស់អ្នកលេងហ្វេសប៊ុក នៅកម្ពុជាមួយចំនួនប៉ុណ្ណោះ សំរាប់ធាតុពិតយ៉ាងណានោះ ក៏មិនទាន់អាចថាបាននោះដែរ។ ចុះប្រិយមិត្ត ខ្មែរឡូតណាខ្លះ ធ្លាប់បានញ៉ាំ ប្រហិតឆឹង ដែលគេកំពុងតែល្បីនេះ ហើយឬនៅ? ជួយបញ្ចេញមតិ ប្រាប់ផង!

ខាងក្រោមជារូបភាព នៃការបើកតូប ចម្អិនលក់ ប្រហិតឆឹង ដែលគេបង្ហោះលើហ្វេសប៊ុក៖

ប្រភព៖ Facebook

ដោយ សី

ខ្មែរឡូត

Read More